„აღფრთოვანებული ვარ! მასტერკლასი იყო საოცრად კარგად მომზადებული და ძალიან კარგი გამოცდილება ჩვენთვის“ - ასე შეაფასა მასტერკლასის მონაწილემ ღონისძიება. არტიზანული პურის მასტერკლასი ვიტამელის ტექნოლოგიურ ცენტრში წარმატებით დასრულდა. მასტერკლასი ჩატარდა მცირე, 7-კაციანი ჯგუფებით და რამდენიმე დღეზე იყო განაწილებული, რაც საშუალებას აძლევდა თითოეულ მონაწილეს ინდივიდუალურად ემუშავათ ტექნოლოგთან და გაეუმჯობესებინათ პრაქტიკული უნარები. ღონისძიების ფარგლებში მონაწილეებმა არამხოლოდ პრაქტიკული უნარები გამოიმუშავეს, არამედ გაეცნენ თანამედროვე და ტრადიციული ტექნოლოგიების კომბინაციას, რომელთა დახმარებით პური განსაკუთრებულ არომატსა და ტექსტურას იღებს. ყველა მონაწილე დასაჩუქრდა ვიტამელის ბრენდირებული საჩუქრებით, ღონისძიების დასასრულს ყველა მონაწილეს გადაეცა მასტერკლასში მონაწილეობის დამადასტურებელი სერტიფიკატი. ვიტამელი მომავალშიც გააგრძელებს პროფესიული მასტერკლასების ორგანიზებას, რომლის მიზანია ცოდნის გაზიარება და ადგილობრივი წარმოების ხარისხის განვითარება.
