„ვიტამელის“ ტექნოლოგიურმა ცენტრმა უმასპინძლა საცხობი „ოქროს ხელების“ დამფუძნებელს, გიგა გიგიბერიას, რომელმაც ინდივიდუალური ვორქშოპის ფარგლებში მნიშვნელოვანი ნაბიჯები გადადგა კომპანიის პურ-ფუნთუშეულის წარმოების შესაძლებლობების გაუმჯობესების მიმართულებით.
სამუშაო ვორქშოპს ხელმძღვანელობდა სალომე ბრეგვაძე, „ვიტამელის“ სურსათის ტექნოლოგი. შეხვედრა სრულად იყო მორგებული კომპანიის საჭიროებებს, მიზნად ისახავდა ასორტიმენტის გაფართოებას და პროდუქციის ხარისხის ამაღლებას, რაც დაეხმარება „ოქროს ხელებს“ ბაზარზე პოზიციების განმტკიცებაში და კონკურენტუნარიანობის ზრდაში.
კომპანია ვიტამელი მზად არის, როგორც ადგილობრივ, ისე საერთაშორისო პარტნიორებთან ერთად, კვლავაც შეუწყოს ხელი ინოვაციური და მაღალხარისხიანი პურ-ფუნთუშეულის პროდუქტების განვითარებას.
