კომპანია ვიტამელმა მონაწილეობა მიიღო სოფლის მეურნეობის საერთაშორისო გამოფენაში, სადაც დაინტერესებულ პირებს შესაძლებლობა ჰქონდათ გაცნობოდნენ ვიტამელის პროდუქციის ასორტიმენტს და იმ ინოვაციური გადაწყვეტილებების შესახებ მიეღოთ ინფორმაცია, რომლებსაც კომპანია სთავაზობს პურ-ფუნთუშეულისა და საკონდიტრო სექტორის წარმომადგენლებს. გამოფენის ფარგლებში გერმანიის, საქართველოსა და აზერბაიჯანის დარგის ექსპერტებმა გამართეს პანელური დისკუსია, სადაც განიხილეს ფქვილის ხარისხთან დაკავშირებული თანამედროვე გამოწვევები და განვითარების ტენდენციები. სტუმრებს ასევე ჰქონდათ შესაძლებლობა დასწრებოდნენ ვიტამელის მიერ ორგანიზებულ პრაქტიკულ მასტერკლასებს, მათ შორის: არტიზანული პურის ცხობის მასტერკლასს, იტალიური ჩაბატას მასტერკლასს, კრუასანის მასტერკლასს. აღნიშნულ გამოფენაში მონაწილეობა მიზნად ისახავდა საერთაშორისო გამოცდილების გაზიარებასა და რეგიონში ინოვაციური მიდგომების დანერგვის ხელშეწყობას. ვიტამელი მომავალშიც გააგრძელებს სექტორის წამყვან საერთაშორისო ღონისძიებებში მონაწილეობას და აქტიურად იმუშავებს რეგიონში წარმოების სტანდარტების გაუმჯობესებაზე.
